دوحا(آئی این پی)پرتگال کے اسٹار فٹبالر کرسٹیانو رونالڈو کا فیفا ورلڈ کپ کے میچ میں جنوبی کوریا کے کھلاڑی کے ساتھ جھگڑا ہوگیا۔

غیرملکی میڈیا کے مطابق کرسٹیانو رونالڈو کا کہنا تھا کہ جنوبی کوریا کے کھلاڑی کے ساتھ اس وقت تلخ کلامی ہوئی جب اس نے سبسٹی ٹیوٹ کے طور پر جلد گراونڈ سے باہر نہ جانے پر مجھ پر تنقید کی،رپورٹس کے مطابق کرسٹیانو رونالڈو میچ کے 65ویں منٹ میں گراونڈ میں اپنے متبادل کھلاڑی کو بھیجے جانے پر ناراض نظر آئے،کرسٹیانو رونالڈو نے میڈیا سے گفتگو کرتے ہوئے کہا کہ میرے متبادل کھلاڑی کو بلانے پر جنوبی کوریا کے کھلاڑی نے مجھ سے کہا کہ جلدی گراونڈ سے باہر جاو،اسٹار فٹبالر نے کہا کہ میں نے جنوبی کوریا کے فٹبالر کو خاموش رہنے کا جواب دیا کیونکہ اس کے پاس کوئی اختیار نہیں،کرسٹیانو رونالڈو نے کہا کہ اگر میں تیزی سے نہیں جارہا تھا تو ریفری کو کہنا چاہیے تھا، اس معاملے میں کوئی تنازع نہیں ہونا چاہیے، یہ صرف میچ کے دوران کی گرما گرمی تھی۔

موضوعات:جھگڑا