لاہور، کراچی (آن لائن، این این آئی) رواں کاروباری ہفتے کے چوتھے روز ڈالر کی انٹربینک قیمت میں دو روپے 2 پیسے کی کمی ہوگئی جس کے بعد ڈالر کی انٹربینک قیمت 200 روپے کی سطح سے نیچے آگئی۔یاد رہے کہ گزشتہ روز بھی انٹر بینک اور اوپن مارکیٹ میں

امریکی ڈالر بلند ترین سطح سے گر گیا اورپاکستانی روپیہ ایک بار پھر تگڑا ہو گیاتھا۔ انٹر بینک میں ڈالر202روپے سے گھٹ کر200روپے اور اوپن مارکیٹ میں ڈالر203روپے سے کم ہو کر201روپے کی سطح پر آگیا ۔فاریکس ایسوسی ایشن آف پاکستان کی رپورٹ کے مطابق گذشتہ روز انٹر بینک میں روپے کے مقابلے ڈالر کی قدر میں2.10روپے کی کمی واقع ہوئی جس سے ڈالر کی قیمت خرید 202روپے سے گھٹ کر200روپے اور قیمت فروخت202.30روپے سے گھٹ کر200.30روپے پر آ گئی اسی طرح مقامی اوپن کرنسی مارکیٹ میں1.50روپے کی کمی سے امریکی ڈالر کی قیمت خرید 202روپے سے کم ہو کر200.50روپے اور قیمت فروخت203روپے سے کم ہو کر201.50روپے پر آ گئی ۔فاریکس رپورٹ کے مطابق بدھ کو یورو 50پیسے اور برطانوی پونڈ 1روپے سستاہو گیا جس سے یورو کی قیمت خرید 214.50روپے سے کم ہو کر213.50روپے اور قیمت فروخٹ216.50روپے سے کم ہو کر216روپے پر آ گئی اسی طرح برطانوی پونڈ کی قیمت خرید 251روپے سے گھٹ کر250روپے اور قیمت فروخت254روپے سے گھٹ کر 253روپے ہو گئی ۔