کنول آفتاب کے ہاں جلد ننھے مہمان کی آمد متوقع

لاہور (این این آئی)ٹک ٹاک کی معروف جوڑی کنول آفتاب اور ذوالقرنین سکندر کے ہاں جلد ننھے مہمان کی آمد متوقع ہے۔ ٹک ٹاک کی اس معروف جوڑی نے مداحوں کو خوشخبری سنانے کیلئے سوشل میڈیا سائٹ انسٹاگرام کا رخ کیا۔ذوالقرنین سکندر نے اپنے انسٹاگرام اکائونٹ پر کنول آفتاب کے ہمراہ تصویر شیئر کی جس میں انہوں نے گلابی اور نیلے رنگ کے غبارے پکڑے ہوئے ہیں۔تصویر میں دیکھا جاسکتا ہے کہ ٹک ٹاک کی یہ جوڑی بیحد خوش نظر آرہی ہے۔انسٹاگرام پر تصویر شیئر کرتے ہوئے ذوالقرنین سکندر نے کیپشن میں بتایا کہ وہ اور کنول آفتاب بہت جلد والدین بننے والے ہیں۔انہوں نے اس بڑی نعمت پر اللہ تعالی کا شکر بھی ادا کیا۔دوسری جانب سوشل میڈیا صارفین کی جانب سے اس جوڑے کو مبارکباد دینے کا سلسلہ جاری ہے۔

موضوعات:کنول آفتاب