لاہور، الپوری (مانیٹرنگ ڈیسک ، آن لائن)پنجاب میں جنوری کے اختتامی دنوں میں بھی دھندکازورنہ ٹوٹا، شدید دھند کےباعث ملتان سکھر موٹروےبند کردی گئی ۔ترجمان موٹر وے پولیس کے مطابق شدید دھند کی وجہ سے ملتان سکھر موٹروے کو بند کردیا گیا ہے۔اس کے علاوہ ٹھوکر نیاز بیگ سے کوٹ مومن تک موٹروے ایم 2 بھی ہیوی ٹریفک کیلئے

بند ہے ۔دوسری جانب شانگلہ لینڈ سلائیڈنگ حادثہ میں ملبے دبے بچے کی تلاش بدستور جاری ۔آپریشن پانچویں روز میں داخل عبدالکلام کی لاش برآمد ہونے کے بعد ہلاکتوں کی تعداد پانچ ہوگئی جس میں تین بچے شامل ہیں جبکہ ایک بچہ ملبے تلے دبے لاپتہ ۔مین شاہراہ بدستوربند۔ سرچ آپریشن میںریسکیو،سول ڈیفنس ،مقامی افراد سمیت سیکورٹی فورسز سرگرم عمل ہیں۔کمشنر ملاکنڈ ،آر پی او کا جائے حادثہ کا دورہ،ڈپٹی کمشنر شانگلہ اور ڈسٹرکٹ ایمرجنسی آفیسر شانگلہ کی جانب سے بریفنگ دی گئی۔ریسکیو حکام کا بچے کی ریکوری تک اپریشن جاری رکھنے کا اعظم۔دن رات جاری ریسکیو اپریشن میں سوات،کوہستان اور ملاکنڈ کی ٹیمیں شانگلہ ریسکیو کے ساتھ اپریشن میں شانہ بہ شانہ۔واقعے پر سیاسی رہنمائوں کا اظہار افسوس ۔شانگلہ کے ضلعی ہیڈکوارٹر الپوری کے نواح موتہ خان میں لینڈ سلائیڈنگ کو پانچ روز گزر گئے ،جمعے کے سہ پہر ہونے والے واقعے میں پانچ افراد جان بحق جبکہ چار افراد زخمی اور ایک بچہ لاپتہ جس کو

نکالنے کیلئے اپریشن جاری ہے ۔حادثے میں جان بحق خورشید علی خان ،عبدالکلام اور تین بچے شامل ہیں جبکہ زخمیوں میں خورشید علی خان کی بیوا،بہو ،بیٹی اور نواسی شامل ہیں ۔کمشنر ملاکنڈ ڈویژن ظہیرالاسلام اور آر پی او کا موتہ خان جائے حادثہ کا دورہ ،انھیں جاری اپریشن پر ریسکیو آفیسر رفیع اللہ مروت ،ڈپٹی کمشنر ضیاء الرحمن کی تفصیلی بریفنگ دی گئی۔کمشنر ملاکنڈ اور دیگر افسران کا افسوس ناک واقع میں جان بحق افراد کے لواحقین سے تعزیت ،حکومت کی جانب سے مکمل تعاون کی یقین دہانی کرادی۔

موضوعات:موٹر وے