ممبئی (مانیٹرنگ ڈیسک)بندروں نے اپنے ایک بچے کی موت کے بدلے میں 250 کتے مار دیے، بھارتی ٹی وی رپورٹ کے مطابق ریاست مہاراشٹر میں بندروں کے انتقام نے دنیا کو حیران کر دیا ہے، ریاست مہاراشٹرکے ضلع بید میں ایک ماہ قبل کتوں نے بندروں کا ایک بچہ مار دیا تھا جس کا بدلہ لینے کیلئے بندر اب تک 250 کے قریب کتوں کو مار چکے ہیں، حیرت انگیز

طور پر بندر کتوں کے چھوٹے بچوں کو اٹھا کر لے جاتے ہیں اور بلندی سے انہیں نیچے پھینک کر مار دیتے ہیں۔ضلع بید کے گاؤں مجال میں بندر گشت کرتے رہتے ہیں جیسے ہی کوئی کتے کا چھوٹا بچہ انہیں ملتا ہے وہ اسے اونچی جگہ لے جاتے ہیں اور پھر وہاں سے نیچے گرا دیتے ہیں جس سے وہ مر جاتا ہے۔ اب پورے علاقے میں کوئی بھی چھوٹا کتا نہیں بچا ہے۔

موضوعات:بندر