لاہور(آن لائن) ن لیگی رہنما اور مریم نواز کے ترجمان محمد زبیر نے کہا ہے کہ حفیظ شیخ نے عمران خان کو 15 سال میں ملک ٹھیک کرنے کا مشورہ دیا ہے۔ ایک نجی ٹی وی کو انٹرویو میں ن لیگی رہنما محمد زبیر نے کہا کہ حفیظ شیخ چاہتے ہیں کہ عمران خان قانون میں ترمیم کریں، تا کہ پی ٹی آئی حکومت کو

مزید 15 سال مل جائیں۔ محمد زبیر نے دعویٰ کیا ہے کہ حفیظ شیخ نے عمران خان کو 15 سال میں ملک ٹھیک کرنے کا مشورہ دیا ہے۔حفیظ شیخ چاہتے ہیں کہ کسی طرح قانون میں ترمیم ہو جائے اور اس حکومت کو 15 سال مل جائیں۔ اْن کا مزید کہنا تھا کہ ”ہم حفیظ شیخ جیسے شخص کو کسی صورت سینیٹ میں نہیں آنے دیں گے۔“ محمد زبیر نے نجی ٹیلی ویڑن چینل کے پروگرام میں کہا کہ ”حفیظ شیخ آئی ایم ایف کے بندے ہیں، ہم انہیں سینیٹ کا حصہ نہیں بننے دیں گے۔“ مریم نواز کے ترجمان اور سابق گورنر محمد زبیر کا مزید کہنا تھا کہ عمران خان کہتے تھے آئی ایم ایف نہیں جاؤں گا خودکشی کر لوں گا۔اب آئی ایم ایف بھی گئے اور آئی ایم ایف کا بندہ بھی لا کر بھٹا دیا، حفیظ شیخ کے علاوہ حکومت کے پاس وزیر خزانہ کیلئے کوئی دوسرا بندہ ہی نہیں اسد عمر کو پہلے ہی وزیر خزانہ سے ہٹا دیا گیا تھا۔“محمد زبیر نے کہا کہ عمران خان کو 15 سالوں میں ملک ٹھیک کرنے کا مشورہ حفیظ شیخ نے دیا، وزیراعظم کو 15 سالوں کی لائن دی گئی،حکومت قانون میں ترمیم کی خواہش مند ہے جس سے عمران خان کو 15 سال مل سکیں۔محمد زبیر نے کہا اگر کسی کو 15 سال مل گئے تو پھر اسٹیبلشمنٹ کہے گی الیکشن کی کیا ضرورت ہمیں ہی رہنے دیتے۔

موضوعات:محمد زبیر