راولپنڈی (مانیٹرنگ ڈیسک) معروف صحافی و تجزیہ نگار سمیع ابراہیم نے اپنے یوٹیوب چینل پر گفتگو کرتے ہوئے کہا کہ چند روز قبل شیخ رشید کی ایک لڑکی کے ساتھ مبینہ طور پر تصاویر وائرل ہوئی تھیں جن میں انہیں نازیبا حرکات کرتے ہوئے دکھایا گیا تھا، کچھ تصاویر میں شکل نہیں دکھائی گئی تھی اور کچھ میں لڑکیاں شیخ رشید کے ساتھ کھڑی ہوئی نظر آئیں، سمیع ابراہیم نے کہا

کہ ہم نے اس لڑکی کو تلاش کر لیا جس لڑکی کی تصویر شیخ رشید کے ساتھ ہے، ہم ان تصاویر کی حقیقت جاننا چاہتے تھے، کیا واقعی یہ ان کی تصاویر ہیں یا پھر ان تصاویر کی وجہ سے انہیں ڈرانے کی کوشش تو نہیں کی گئی، ان پر کوئی دباؤ تو نہیں ہے مقصد صرف یہ تھا کہ یہ جانیں کہ سچ کیا ہے اور جھوٹ کیا ہے۔ سمیع ابراہیم نے لڑکی کا اصل نام بتانے کی بجائے اس کا فرضی نام زاہدہ رکھا اور اسے زاہدہ کہہ کر پکارا، لڑکی نے گفتگو کرتے ہوئے بتایا کہ سوشل میڈیا پر تصاویر وائرل ہوئیں تو دیکھ کر میں حیران رہ گئی کیونکہ میرا چہرہ فوٹوشاپ کیا گیا، سمیع ابراہیم کے سوال کا جواب دیتے ہوئے لڑکی نے کہا کہ میں شیخ رشید کو جانتی ہوں اور ان کے ساتھ وزارت میں ملاقات ہو چکی ہے اس موقع پر تصویر بھی بنوائی۔ لڑکی نے کہا کہ شیخ رشید معروف شخصیت ہیں، لوگ سیلفیاں بھی ان کے ساتھ بناتے ہیں، میری تصویر کی بنیاد پر اب فوٹو شاپ کیا گیا لیکن حقیقت میں ایسا کچھ نہیں۔ لڑکی نے ایک سوال کا جواب دیتے ہوئے کہا کہ مجھے شیخ صاحب سے کسی قسم کا رابطہ نہیں ہوا، لیکن لوگوں کے فون آئے اور لوگوں نے تنقید کا نشانہ بنایا، میری تصاویر ایڈٹ کی گئیں، میں شیخ رشید کو دو سال سے جانتی ہوں، لڑکی نے کہاکہ جیسا کہا جا رہا ہے ایسا کچھ بھی نہیں ہے، شیخ رشید ایک مشہور شخصیت ہیں، لوگ ان تصویروں کی وجہ سے مجھ پر کیچڑ اچھال رہے ہیں۔ لوگ کہتے ہیں کہ بیڈ والی

لڑکی اور ساتھ کھڑی ہونے والی لڑکی تم ہی ہو، لیکن میں یہ بتانا چاہتی ہوں کہ میں شیخ رشید کے ساتھ کھڑی ضرور ہوں لیکن بیڈ والی تصویریں میری نہیں ہیں۔ لڑکی نے ان تصویروں کے وائرل کرنے کو شیخ رشید کے وزیر داخلہ بننے پر ہضم نہ ہونا قرار دے دیا، یہ شیخ رشید کے خلاف پروپیگنڈا کیا جا رہا ہے تاکہ ان کو اس کرسی سے ہٹایا جائے۔

موضوعات:شیخ رشید