بھارت کی پاکستان میں سول آبادی پر فائرنگ ،پاک فوج بھی خاموش نہ رہی، منہ توڑ جواب

  جمعرات‬‮ 13 جون‬‮ 2019  |  15:45

کھوئی رٹہ (آن لائن ) لائن آف کنٹرول پر انڈین آرمی کی سیز فائر لائن کی خلاف ورزیاں جاری، کھوئی رٹہ کے نواحی گائوں ندی سوہانہ کا رہائشی نکیال سیکٹر میں فائرنگ سے زخمی ۔تفصیلات کے مطابق ایل او سی پر انڈین آرمی کی بلااشتعال فائرنگ کا سلسلہ تھم نہ سکا ۔انڈین آرمی آئے روز سول آبادی پر بلااشتعال گولہ باری و فائرنگ کرتی ہے۔ کھوئی رٹہ کے نواحی گائوںندی سوہانہ کا رہائشی ساجد طاہر ولد عبدالعزیز نکیال سیکٹر کے ایریا ترکنڈی میں اپنے رشتہ داروں کے ہاں شادی پر گیا ہوا تھا۔ انڈین آرمی نے سول آبادی پر بلااشتعال


فائرنگ کی جس سے ساجد طاہر زخمی ہو گیا۔ پاک فوج نے بزدل دشمن کے خلاف بھرپور جوابی کارروائی کی اور دشمن کے مورچوں کو نشانہ بنایا۔ زخمی کو ابتدائی طبی امداد کے بعد ڈی ایچ کیو ہسپتال کوٹلی ریفر کیا گیا .

loading...