نواز شریف کوصرف دو ماہ بعد رہا ئی مل گئی ، میں ایک سال سے جیل میں بیٹھا انصاف کا طلب گار ہوں،پی پی کے اہم رہنما کی دہائیاں

  بدھ‬‮ 26 ستمبر‬‮ 2018  |  16:37

کراچی( آن لائن ) پیپلز پارٹی کے سابق صوبائی وزیر اطلاعات شرجیل میمن نے کہا ہے کہ نواز شریف کو حکومت نے صرف دو ماہ جیل میں رکھ کر رہا کردیا ، میں ایک سال سے جیل میں بیٹھا انصاف کا طلب گار ہوں ، نئی حکومت صرف نیٹ پریکٹس کررہی ہے ۔ ان خیالات کااظہار پیپلز پارٹی کے رہنما شرجیل میمن نے عدالت میں پیشی کے دوران صحافیوں سے گفتگو کے دوران کیا ۔ انہوں نے کہا کہ سابق وزیراعظم نواز شریف کو اربوں روپے کرپشن میںپکڑ کر صرف دو ماہ کیلئے قید میں رکھا گیا اور پھر ان


کی تمام سزا ختم ہوگئی لیکن حکومت کو میں نظر نہیں آرہا جو کہ ایک سال سے جیل میں بیٹھا ہوں اور انصاف کا طلب گار ہوں ۔انہوں نے کہاکہ حکومت صرف نیٹ پریکٹس کررہی ہے جب وہ نیٹ پریکٹس کرکے باہر آئے گی تو پھر پتہ چلے گا کہ کس طرح سے شروع کرتے ہیں لیکن ہماری نیک خواہشات حکومت کیساتھ ہیں ۔ڈیم فنڈ کے سوال کے جواب میں شرجیل میمن نے کہاکہ ڈیم فنڈپر صرف دعائیں دے سکتا ہوں ۔

موضوعات:

loading...