کالا باغ ڈیم کی تعمیر کے بیان پر پیپلزپارٹی کا شدید ردعمل،دھماکہ خیز اعلان کردیا

  اتوار‬‮ 16 ستمبر‬‮ 2018  |  20:04

کراچی (این این آئی) پاکستان پیپلز پارٹی کے مرکزی اطلاعات سیکریٹری سینیٹر مولابخش چانڈیو نے کہا ہے کہ متنازعہ معاملات کو ہوا دینا قوم کو تقسیم در تقسیم کرنے کے مترادف ہے۔عام انتخابات میں من پسند نتائج لے کر پہلے ہی قوم کو تقسیم کر دیا گیا ہے۔ اپنے ایک بیان میں مولا بخش چانڈیو نے کہا کہ اب کالاباغ ڈیم گڑھے مردے کو اکھاڑنے سے وفاق پاکستان کمزور ہوگا۔ جس منصوبے کو تین صوبائی اسمبلیاں مسترد کر چکی ہیں اسے چھیڑنا کہاں کی حب الوطنی ہے۔کالاباغ ڈیم کی راگنی چھیڑنے سے غیرمتنازعہ آبی منصوبے بھی متنازعہ بن جائیں گے۔

بڑے آبی ذخائر کا فیصلہ کسی غیرمنتخب فورم سے نہیں ہو سکتا۔ انہوں نے کہا کہ لگتا ہے بریفنگ دینے والوں نے کالاباغ ڈیم کے صرف ایک پہلو پر بریفنگ دی ہے۔ اگر بریفنگ دینے والے ڈیم کے سیاسی پہلو پر بریفنگ دیتے تو ذمہ داران اس طرح متنازعہ ڈیم کا ذکر نہ کرتے۔توقع کرتے ہیں کہ تمام ادارے اپنی اپنی آئینی حدود میں رہ کر اپنی ذمہ دارایاں نبھائیں گے

موضوعات: