اسلام آباد (مانیٹرنگ ڈیسک) سینئر صحافی و تجزیہ کار رؤف کلاسرا کا کہناہے کہ میاں محمد نواز شریف کے لیے گڈ کاپ بننے کا وقت آ گیا ہے، تفصیلات کے مطابق ایک نجی ٹی وی چینل کے پروگرام میں سینئر صحافی و تجزیہ کار نے گفتگو کرتے ہوئے کہا کہ میاں نواز شریف اب اپنے کچھ لوگوں کے ہجوم کے سامنے گڈ کاپ بنیں گے اور کہیں گے کہ یہ جو مذاکرات یا جو بھی ڈیل ہوئی ہے میں اس سے خوش نہیں ہوں، سینئر صحافی رؤف کلاسرا نے کہا کہ اس سے ان دنوں کی یاد آتی ہے جب نواز شریف لندن

سے واپس آئے تھے اور شہباز شریف اور چودھری نثار علی خان رات گئے جنرل کیانی سے 2008 سے 2013 تک خفیہ ملاقاتیں کرتے تھے اور نواز شریف کو وزیر اعظم بنانے کی راہ ہموار کرتے رہے، انہوں نے کہا کہ 2013ء سے نواز شریف کو وزیراعظم بنانے کا کھیل شروع ہو گیا تھا، انہوں نے کہا کہ رات کے وقت شہباز شریف اور چودھری نثار جنرل کیانی سے ملاقاتیں کرتے تھے اور دوسری طرف میاں محمد نواز شریف دن کے وقت کہتے تھے کہ میں تو فوج اور اسٹیبلشمنٹ کے خلاف ہوں۔

موضوعات:رﺅف کلاسرا