اسلام آباد (مانیٹرنگ ڈیسک) تحریک لبیک کی جانب سے دھرنے اور ان کو دی گئی ڈیڈ لائن کے بعد آپریشن کی وجہ سے پورے ملک میں جگہ جگہ مظاہرے اور ہنگامے شروع ہوگئے جس پر تحریک انصاف کے چیئرمین عمران خان نے ٹوئیٹ کیا،تفصیلات کے مطابق اس موقع پر عمران خان نے اپنے ٹوئٹ میں مظاہرین سے تحمل کا مظاہرہ کرنے کی اپیل کرتے ہوئے کہا کہ دھرنا مظاہرین اتنے دنوں سے آ کر بیٹھے تھے لیکن حکومت ٹس سے مس نہ ہوئی، راجہ

ظفرالحق کمیٹی کی رپورٹ جاری نہیں کی گئی، جس سے لگتا ہے کہ کچھ چھپانا چاہ رہے ہیں، جس کے جواب میں فاطمہ بھٹو چپ نہ رہ سکیں اور انہوں نے تحریک انصاف کے چیئرمین عمران خان کے اس ٹوئیٹ پر جواب ٹوئیٹ کیا اور عمران خان سے استفسار کرتے ہوئے کہا کہ آپ اسے کیا کہیں گے کہ جب کوئی کھل کر کسی چیز یا کسی گروپ کو اقتدار میں لانے کے لیے پشت پناہی کرے۔ واضح رہے کہ اس سے قبل تحریک انصاف بھی ایک طویل دھرنا دے چکی ہے۔

موضوعات:فاطمہ بھٹو