اسلام آباد (مانیٹرنگ ڈیسک) نااہل شخص دوبارہ پارلیمنٹ میں نہیں جا سکتا، تفصیلات کے مطابق سابق چیف جسٹس اور پاکستان جسٹس اینڈ ڈیموکریٹک پارٹی کے سربراہ افتخار محمد چودھری نے ایک پریس کانفرنس کے دوران کہا کہ کسی کے فائدے کے لیے کی گئی ترمیم قانون کی زبان میں فراڈ کہلاتی ہے، ملی بھگت سے نا اہلی کے آرٹیکل میں ترمیم کی جا رہی ہے، انہوں نے کہا کہ سپریم کورٹ 62 ون ایف کے تحت تاحیات نا اہلی قرار دے چکی ہے،افتخار محمد چودھری نے اپنے تحفظات کا اظہار کرتے ہوئے کہا کہ

یہ لوگ چاہتے ہیں کہ میاں محمد نوازشریف دوبارہ پارلیمنٹ میں بھی جائیں اور کسی طرح پھر مسلم لیگ (ن) کے سربراہ بھی بن جائیں۔ ایک شخص جب نااہل ہو جاتا ہے تو وہ دوبارہ پارلیمنٹ میں نہیں جا سکتا۔انہوں نے کہا کہ آرٹیکل 63 کی بہت اہمیت ہے، اہلیت سے متعلق آئین میں بہت سے آرٹیکل ہیں، افتخار چودھری نے کہا کہ پارٹی عہدہ رکھنے کے حالیہ قانون کا اطلاق مستقبل سے ہوگا۔ سابق چیف جسٹس نے کہا کہ ملک میں آئندہ عام انتخابات اپنے وقت پر ہی ہوں گے، پاکستان میں جمہوریت مضبوط ہو رہی ہے۔

موضوعات:افتخار محمد چودھری