اسلام آباد(مانیٹرنگ ڈیسک)عمران خان کے کہوٹہ جلسے میں لگائے گئے نعرے ’’گلی گلی میں شور ہے ، سارا ٹبر چور ہے ‘‘نے شریف خاندان کا پیچھا نہ چھوڑا، حلقہ این اے 120کے انتخابات کی مہم کیلئے حلقہ کے دورے پر نکلی مریم نواز کی گاڑی کے سامنے راستہ روک

کر سینکڑوں ن لیگی کارکنوں کے سامنے تحریک انصاف کی ’’ٹائیگریس ‘‘نے شریف خاندان کے خلاف نعرے لگا دئیے، ویڈیو انٹرنیٹ پر وائرل ہو گئی۔ تفصیلات کے مطابق عمران خان کے کہوٹہ جلسہ میں لگائے گئے نعرے’’گلی گلی میں شور ہے ، سارا ٹبر چور ہے‘‘نے شریف خاندان کو شدید ہزیمت اور شرمندگی سے دوچار کر رکھا ہے۔ حلقہ این اے 120کی انتخابی مہم کے دوران بھی یہ نعرہ مریم نواز کو بھی شدید بے چین کر رہا ہے۔ حلقہ میں انتخابی مہم کے سلسلے میں دورے پر آئی مریم نواز کو اس وقت شدید ہزیمت کا سامنا کرنا پڑ گیا جب تحریک انصاف کی ایک خاتون سپورٹر نے سینکڑوں ن لیگی کارکنوں کی موجودگی میں تن تنہا مریم نواز کی گاڑی کا راستہ روک کر اس کے سامنے ’’گلی گلی میں شور ہے، سارا ٹبر چور ہے‘‘کے نعرے لگانے شروع کر دئیے۔ تحریک انصاف کی اس خاتون سپورٹر کی ویڈیو انٹرنیٹ پر وائرل ہو چکی ہے اور سوشل میڈیا صارفین اس خاتون کی بہادری اور جرأت کو بہت سراہ رہے ہیں۔

موضوعات:تحریک انصاف خاتون سپورٹر حلقہ این اے 120 مریم نواز