اسلام آباد (مانیٹرنگ ڈیسک)نا اہلی کا فیصلہ ہو چکا تھا صرف جواز ڈھونڈا گیا، ججوں نے آبزرویشن میں کہا کہ مجھ پر کوئی الزام نہیں، جی ٹی روڈ سے خود کو بحال کرانے نہیں بلکہ گھر جا رہا ہوں، نواز شریف کی صحافیوں سے گفتگو۔ تفصیلات کے مطابق سابق وزیراعظم نواز شریف نے پنجاب ہائوس میں صحافیوں سے گفتگو کرتے ہوئے کہا ہے کہ جی ٹی روڈ سے خود کو

بحال کرانے نہیں بلکہ گھر جا رہا ہوں، ججوں نے آبزرویشن دی تھی کہ مجھ پر کوئی الزام نہیں، نا اہل کا فیصلہ ہو چکا تھا صرف جواز ڈھونڈا گیا۔ مجھے نکالنا تھا تو ایسی بات پر نکالتے جس کی سمجھ بھی آتی۔ نواز شریف کا کہنا تھا کہ جے آئی ٹی میں مخالفین کو ڈالا گیا اگر نیب کے خلاف اپیل کرنی پڑی تو کس کے پاس جائیں گے، وکیل کسے کریں گے اور منصفی کس سے چاہیں گے۔ ان کا کہنا تھا کہ مجھے سسلین مافیا کہا گیا ، کیا کسی نے دیکھا ہے کہ مافیا جے آئی ٹی کے سامنے پیش ہوا ہو۔ 1973میں ملک کا آئین بننے کے باوجود تین ڈکٹیٹروں نے جمہوری حکومتوں کا خاتمہ کیا اور یہ سلسلہ آخر کب تک چلے گا اس سوال کا جواب مانگ رہا ہوںکہ آخر کوئی وزیراعطم اپنی مدت پوری کیوں نہیں کر سکا۔واضح رہے کہ اس سے قبل بھی نواز شریف نے مری سے پنجاب ہائوس پہنچنے پر صحافیوں سے غیر رسمی گفتگو میں کہا تھا کہ مجھے بہت کچھ معلوم ہے مصلحتاََ خاموش ہوں۔ نواز شریف 9اگست کو براستہ جی ٹی روڈ لاہور ریلی کی صورت میں روانہ ہونگے۔ حکمران جماعت ن لیگ نواز شریف کی براستہ جی ٹی روڈ لاہور روانگی کے حوالے سے تیاریاں میں مصروف ہے اور اس سلسلے میں ایم این ایز اور ایم پی ایز سمیت جی ٹی روڈ کے لاہور تک علاقے کی جماعتی تنظیموں کو اہم ہدایات جاری کر دی گئی ہیں۔

موضوعات:پنجاب ہائوس نواز شریف