اسلام آباد(آئی این پی)پارلیمنٹ ہاؤس کے باہر پختونوں کے بلاک شناختی کارڈ کے معاملے پر احتجاجی دھرنے پر بیٹھے عوامی نیشنل پارٹی کے رہنما سینیٹر الیاس بلور کی طبیعت اچانک خراب ہو گئی ‘ سینیٹر الیاس بلور کو فوری طور پر پولی کلینک ہسپتال منتقل کر دیا گیا۔ اے این پی رہنما الیاس بلور نے کہا کہ میرا بلڈ پریشر ہائی ہو گیا تھا جس پر چکر آئے۔ اب طبعیت بہتر ہے۔ جمعہ کو پھر دھرنے میں شرکت کروں گا۔ تفصیلات کے

مطابق جمعرات کو پارلیمنٹ ہاؤس کے گیٹ نمبر ایک پر پختونوں کے بلاک شناختی کارڈ کے معاملے پر بھوک ہڑتال پر بیٹھے  سینیٹر الیاس بلور کی طبیعت اچانک خراب ہو گئی جس پر انہیں ایمبولینس کے ذریعے فوری طور پر پولی کلینک ہسپتال کے آفیسرز وارڈ منتقل کر دیا گیا۔ ادھرتحریک انصاف نے کہاہے کہ دھرنے دیناایک مشکل کام ہے اگردھرنے دینے کاشوق ہے توپھرتحریک انصاف والوں سے سبق سیکھیں ۔

موضوعات:تحریک انصاف