اسلام آباد(مانیٹرنگ ڈیسک)پانامہ کیس میں نواز شریف کے نا اہل ہونے کی صورت میں مسلم لیگ ن کا اگلا وزیراعظم سردار ایاز صادق کو بنایا جائے گا، سینئر صحافی کا اہم انکشاف۔ تفصیلات کے مطابق سینئر صحافی و تجزیہ کار ڈاکٹر شاہد مسعود نے نجی ٹی وی کے پروگرام میں گفتگو کرتے ہوئے انکشاف کیا ہے کہ پانامہ کیس میں وزیراعظم

میاں محمد نواز شریف کے خلاف فیصلہ آنے کی صورت میں ان کے نا اہل ہونے پر مسلم لیگ ن اگلا وزیراعظم سردار ایاز صادق کو بنائے گی۔ ان کا کہنا تھا کہ پانامہ کیس کا معاملہ وزیراعظم کی نا اہلیت کی طرف جاتا نظر آرہا ہےجبکہ سابق صدرآصف علی زرداری کی بھی پاناما کیس کے فیصلے میں وزیراعظم نواز شریف کو نا اہل ہوتا دیکھ رہے ہیں۔ ڈاکٹر شاہد مسعود نے انکشاف کرتے ہوئےبتایا کہ وزیراعظم میاں محمد نواز شریف بھی پاناما کیس میں استعفے یا نا اہلی کی صورت میں اپنا جانشین قومی اسمبلی کے سپیکر سردار ایاز صادق کو ہی نامزد کر چکے ہیں۔

موضوعات:پاناما کیس سردار ایاز صادق نا اہلی وزیراعظم نواز شریف