اسلام آباد (مانیٹرنگ ڈیسک)سکیورٹی فورسز کا آسیہ بی بی کی رہائی کے خلاف جاری احتجاجی مظاہروں کے خاتمے کیلئے  بھرپور ایکشن کا فیصلہ ۔نجی ٹی وی کے مطابق جڑواں شہروں میں رینجرز اور پاک فوج کی ٹرپل ون بریگیڈ کے ذریعے آپریشن کیا جاسکتا ہے جبکہ لاہور میں کور کمانڈر لاہور کی سربراہی میں آپریشن ہوگا۔ معلوم ہوا ہے کہ اسلام آباد کو مظاہرین سے خالی کرانے کیلئے آپریشن کا حتمی فیصلہ ہوچکا تھا اور ٹرپل ون بریگیڈ سے مشاورت بھی مکمل ہوگئی تھی۔

تاہم رات گئے آپریشن موخر کردیا گیا ۔ خفیہ ادارے کے اہم ذریعے کا کہنا ہے کہ امن عامہ کی صورتحال خراب کرنے والے افراد کی لسٹ تیار کرلی گئی ہے۔ وفاقی دارالحکومت میں آپریشن کیلئے رینجرز کو طلب کیا جاچکا ہے جبکہ ٹرپل ون بریگیڈ سے بھی جڑواں شہروں میں آپریشن کیلئے مشاورت مکمل ہوچکی ہے۔ اگر مظاہرین کی جانب سے پرامن طور پر احتجاج ختم نہ کیا گیا تو ریاستی ادارے بھرپور آپریشن کرینگے۔ دوسری جانب فواد چوہدری نے کہا ہے کہ حالات کنٹرول میں ہیں ۔

موضوعات:ٹرپل ون بریگیڈ