کوئٹہ (سی پی پی )سابق وزیر اعلیٰ بلو چستان ثناء اللہ زہر ی کے بھائی نعمت اللہ زہری تحریک انصاف میں شامل ، پریس کانفرنس میں فیصلے کا اعلان کیا۔ نجی ٹی وی کے مطابق سابق وزیر اعلیٰ بلوچستان سردار ثناء اللہ زہری کے بھائی نعمت اللہ زہر ی نے تحریک انصاف میں شمولیت اختیار کر لی ہے۔ اس حوالے سے اعلان انہوں نے باقاعدہ پریس کانفرنس کرکے کیا۔ نعمت اللہ زہری پی بی 36سے آزاد امیدوار کی حیثیت سے رکن بلوچستان اسمبلی منتخب ہوئے ہیں۔

واضح رہے کہ نعمت اللہ زہری کے بھائی ثناء اللہ زہری گزشتہ دور حکومت میں مسلم لیگ ن کی جانب سے بلوچ قوم پرست جماعتوں کی حمایت سے وزیر اعلیٰ بلوچستان منتخب ہوئے تھے۔ بعد ازاں بلوچستان میں اسمبلی میں ان کے خلاف تحریک عدم اعتمادلائے جانے پر انہوں نے وزیر اعلیٰ بلوچستان کے عہد ے سے استعفیٰ دیدیا اور میر عبد القدوس بزنجو وزیر اعلیٰ بلوچستان منتخب ہوئے۔

موضوعات:ثنا اللہ زہری