لاہور( این این آئی )سپریم کورٹ نے نامزدگی فارم میں کی گئی ترمیم کو کالعدم قرار دینے کے لاہور ہائی کورٹ کے سنگل بینچ کے فیصلے کو معطل کردیا۔اسپیکر قومی اسمبلی سرار ایاز صادق کی جانب سے سپریم کورٹ میں انتخابات میں امیدواروں کے نامزدگی فارم میں کی گئی ترمیم کو کالعدم قرار دینے کے لاہور ہائی کورٹ کے فیصلے خلاف اتوار کے روز درخواست دائر کی گئی جس پر چیف جسٹس

میاں ثاقب نثار کی سربراہی میں دو رکنی بینچ نے اسی روز سماعت کی اوردرخواست پر مختصر سماعت کرتے ہوئے کاغذات نامزدگی فارم سے متعلق لاہور ہائیکورٹ کا فیصلہ معطل کردیا۔چیف جسٹس میاں ثاقب نثار نے ریمارکس دیتے ہوئے کہا کہ ملک میں آئندہ عام انتخابات25 جولائی کو ہی ہوں گے۔چیف جسٹس نے مزید ریمارکس دئیے کہ اب انتخابات میں تاخیر ہوئی تو الیکشن کمیشن ذاتی طور پر ذمہ دار ہوگا ۔

موضوعات:سپریم کورٹ