اسلام آباد (مانیٹرنگ ڈیسک) سابق وزیراعظم میاں محمد نواز شریف کی نااہلی کے بعد خالی ہونے والی نشست حلقہ این اے 120کے ضمنی انتخاب کے غیر سرکاری اور غیر حتمی نتائج کا سلسلہ جاری ہے، ان نتائج کے مطابق مسلم لیگ (ن) کی امیدوارکلثوم نواز اب تک پہلے نمبر پر برا جمان ہیں جبکہ تحریک انصاف کی امیدوار یاسمین راشد دوسرے نمبر پر ہیں، اس حلقے میں تیسرے نمبر شیخ محمد یعقوب موجود ہیں۔ حلقہ این اے 120کے ضمنی انتخاب کے بعد ووٹوں کی گنتی کا عمل تیزی سے

جاری ہے اب تک 176حلقوں کے غیر سرکاری اور غیر حتمی نتائج کے مطابق مسلم لیگ(ن) کی امیدوار بیگم کلثوم نواز48 ہزار 404 ووٹ لے کر پہلے نمبر پر اور تحریک انصاف کی امیدوار یاسمین راشد 37ہزار 564 ووٹ لے کر دوسرے نمبر پر ہیں جبکہ اسی حلقے سے ملی مسلم لیگ کے امیدوار قاری یعقوب شیخ 3134 ووٹ لے کرتیسرے نمبر پر ہیں اس کے علاوہ پیپلز پارٹی کے امیدوار فیصل میر 1812 ووٹ لے کر چوتھے نمبر ہیں دوسری طرف جماعت اسلامی ابھی بہت پیچھے ہے۔

موضوعات:حلقہ این اے 120