اسلام آباد (مانیٹرنگ ڈیسک) بڑا سیاسی دھماکہ، ن لیگ کے اہم رہنما کی بیوی ہی ان کے مقابلے میں الیکشن لڑنے میدان میں آ گئیں، تفصیلات کے مطابق معروف اینکر پرسن جگنو محسن نے این اے 145 سے الیکشن لڑنے کا باضابطہ اعلان کردیا ہے۔ اینکر پرسن سیدہ جگنو محسن کرمانی بانی المحسن ٹرسٹ نے گزشتہ روز 29/1AL میں اپنے عوامی اجتماع سے خطاب میں کہا کہ حلقہ این اے 145 میں پینے کے پانی، صفائی کی حالت، صحت، تعلیم کی سہولیات سمیت دیگر سہولیات نہ ہونے کی وجہ سے دل دکھتا ہے اور یہ مسائل دیکھتے ہوئے میں نے سیاسی میدان میں آنے

کا فیصلہ کیا ہے۔ انہوں نے کہا کہ میں نے آزاد حیثیت سے الیکشن لڑنے کا فیصلہ کیا ہے، مزید کہا کہ موجودہ ایم این اے عاشق کرمانی تو اپنی مقامی یونین کونسل میں بھی جیتنے کے اہل نہیں ہیں جو اس بار بلدیاتی الیکشن میں بری طرح ہار گئیہیں اور انہوں نے اپنے حلقے میں کوئی ترقیاتی کام نہیں کروائے، جگنو محسن نے کہا کہ انشاء اللہ عوامی طاقت سے الیکشن لڑ کر حلقہ این اے 145کے تمام مسائل حل کرکے علاقے کی تقدیر سنوار دوں گی، سیدہ جگنو محسن نے کہا کہ یونین کونسل شیر گڑھ اور قلعہ دیوان سنگھ کی طرز پر حلقہ 145کو بھی ایک مثالی حلقہ بناؤں گی۔

موضوعات:جگنو محسن