ٹورنٹو( آن لائن ) کینیڈین وزیراعظم جسٹن ٹروڈو کی جانب سے پاکستانیوں کو جشن آزادی کی مبارکباد دی گئی ہے۔ تفصیلات کے مطابق پاکستان کے 70 ویں جشن آزادی کے موقع پر کینیڈین وزیراعظم جسٹن ٹروڈو اور ان کی اہلیہ کا خصوصی پیغام سامنے آیا ہے۔ کینیڈین وزیراعظم جسٹن ٹروڈو اور ان کی اہلیہ کی جانب سے پاکستانیوں کو جشن آزادی کی مبارکباد دی گئی ہے۔

کینیڈین وزیراعظم کا کہنا ہے کہ حکومت کینیڈا، خاتون اول اور میری جانب سے پاکستان کوجشن آزادی مبارک ہو۔ پاکستانی کینیڈین نے کینیڈا کیلیے بیش بہا خدمات انجام دی ہیں۔ پاکستان اور کینیڈین عوام کے تعلقات ہمیشہ کیطرح خوشگواری سے آگے بڑھ رہے ہیں۔ جسٹن ٹروڈو کا کہنا ہے کہ پاکستان بنتے ہی کینیڈا او رپاکستان کے سفارتی تعلقات قائم ہوگئے تھے۔ جمہوری،علاقائی سلامتی، دفاعی شعبوں اور ماحولیاتی تبدیلیوں کیخلاف مشترکہ کام جاری رکھیں گے۔ ۔

موضوعات:کینیڈین وزیراعظم