اسلام آباد (مانیٹرنگ ڈیسک)کروناوائرس کی دہشت عالمی تاجر برادری چین کا سفر کرنے سے کترانے لگی ،تاہم وہ اب ٹیکسٹائل کی مصنوعات کیلئے پاکستان کا رخ کر رہے ہیں۔تفصیلات کے مطابق پاکستان ٹیکسٹائل ایکسپورٹ ایسوسی ایشن کے چیئرمین خرم مختار نے قومی اسمبلی کی قائمہ کمیٹی برائے فنانس اور ریونیو کو بتایا چین میں کرونا وائرس کے خطرات کے پیش نظر عالمی تاجر پاکستان کا رخ کر رہے ہیں ۔

نکا کہنا تھا کہ ایف بی آر کی جانب سے ٹیکس ریٹرنز نئی مد میں پیمنٹس میں تاخیر کی وجہ سے تاجران کے پاس سرمایا کی کمی ہے جس سے آرڈر پورا ہونا مشکل ہو رہے ہیں،اس بات پر چیئرمین ایف بی آر نے جواب دیا کہ ہمارا ادارہ وقت پر واجبات کی ادائیگی کو یقینی بنا رہا ہے تاہم غلط ریٹرنز فائل کرنے اور جعلی کلیم داخل کرنے کی وجہ سے بہت سارے لوگوں کے واجبات ادا نہیں ہو سکے۔انہوں نے مزید کہا کہ ایف بی آر کا پورا سسٹم خود کار طریقے سے کام کرتا ہے اور غلط ریٹرن فائل ہونے کی وجہ سے کیس کے واجبات ادا نہیں ہوتے۔اس موقع پر اپنا موقف دیتے ہوئے چیئرمین فیصل آباد چیمبر آف کامرس اینڈ انڈسٹری رانا سکندر اعظم کا کہنا تھا کہ وزیر اعظم نے واجبات کی ادائیگی کا وقت بہتر گھنٹے رکھا تھا لیکن اب حکومت واجبات ادا نہیں کر رہی انکا کہنا تھا کہ حکومت پچاس ہزار کی خریداری پر شناختی کارڈ کی شرط ختم کرے،قومی اسمبلی کی قائمہ کمیٹی برائے ریونیو اینڈ فنانس کا اجلاس ایم این اے فیض اللہ کی زیر صدارت ہوا۔

موضوعات:کروناوائرس