ممبئی (این این آئی) نوے کی دہائی کے کھلاڑی اکشے کمار کے کئی معاشقے بھی سامنے آئے جن میں سرفہرست بالی ووڈاداکارہ شلپاشیٹھی بھی تھیں لیکن اکشے نے شلپاکی بجائے اْس کی قریبی سہیلی ٹوئنکل کھنہ سے شادی کرلی اور اب بھارتی اخبار’ٹائمزآف انڈیا‘ اس شادی کی شرمناک وجہ سامنے لے آیاہے ۔اخبار کے مطابق اکشے کمار اور ٹوئنکل کھنہ کی جوڑی خوش و خرم زندگی گزار رہی ہے جس کا اندازہ دوبچوں اور ازدواجی زندگی پرسکون ہونے سے ہوتاہے ۔

نوے کی دہائی میں اکشے کمار اور شلپاشیٹھی کی قربتیں دیکھی گئیں اور دھڑکن ، جانور، انصاف اور نئے کھلاڑی جیسی فلموں میں دونوں کی کیمسٹری بھی خوب جمی لیکن اکشے کمار کی طرف سے ٹوئنکل کھنہ کے ساتھ مل کر دھوکہ دیئے جانے کی خبروں نے شلپا شیٹھی کومایوس کیالیکن وہ اس کے باوجوداکشے کمار کو قبول کرنے کو تیار تھیں لیکن اکشے کمار ’لوٹرائی اینگل‘ میں پھنسے ہوئے تھے ، دونوں خواتین میں سے کسی ایک کا چنائو کرناتھا۔اخبار کے مطابق اکشے کمار کیلئے یہ ٹوئنکل کھنہ کے اس بیان کے بعد شادی کافیصلہ کرنامشکل نہیں ر ہاجس کے مطابق ٹوئنکل کھنہ ایک بچے کی ماں بننے والی تھی اور یہی وہ لمحات تھے جب اکشے کمار اور شلپاشیٹھی کے درمیان تعلقات کا خاتمہ ہوگیا۔ پھر ٹوئنکل کھنہ اور اکشے کمار نے شادی کرلی ۔

موضوعات:اکشے کمار شلپا شیٹھی