ممبئی (این این آئی)بھارتی معروف ٹینس اسٹار ثانیہ مرزا نے نئی انسٹاگرام پوسٹ میں کہاہے کہ ڈٹی ہوئی ہوں، لڑ رہی ہوں، کوشش کر رہی ہوں۔ثانیہ مرزا نے اپنی ایک انسٹاگرام اسٹوری سخت ورزش کرتے ہوئے شیئر کی ہے جبکہ دوسری میں انہوں نے اپنے موجودہ حالات بیان کرنے کی کوشش کی ہے۔

ثانیہ مرزا کی پوسٹ صنف نازک کی جدوجہد پر مبنی ہے جس میں لکھا ہوا ہے کہ کچھ دن وہ جنگجو بنی رہتی ہے، کچھ دن وہ ٹوٹی اور بکھری ہوئی رہتی ہے، زیادہ تر دن اس کے لڑتے ہوئے اور بکھرے ہوئے گزرتے ہیں، لیکن وہ ہر روز حالات کا سامنا کر رہی ہے، کھڑی ہے، لڑ رہی ہے اور کوشش کر رہی ہے، وہ (خاتون) میں ہوں ۔