کراچی(مانیٹرنگ ڈیسک)سوئنگ کے سلطان وسیم اکرم نے کہا ہے کہ ویرات کوہلی اینڈ کمپنی پر پریشر رکھنا ضروری ہے اورمیں تو چاہتا ہوں کہ 250 رنز پر بھارتی ٹیم کو آؤٹ کردیں۔تفصیلات کے مطابق نجی ٹی وی چینل سے گفتگو کرتے ہوئے سابق کپتان کا کہنا تھا کہ اگر ہمیں جلد تین چار وکٹیں مل گئیں تومیچ زبردست ہوجائیگا اور موسم اگر گڑبڑ ہوتو بیٹنگ دوسری دفعہ ہی بنتی ہے۔
وسیم اکرم نے مزید کہا کہ حسن علی بہت اچھی بولنگ کرتا آرہا ہے، ہمیں وکٹ ٹیکنگ بولر کی ضرورت تھی اورشاداب اچھاانتخاب ہے جبکہ ہمیں بھارت کو کم سے کم سکور پر روکنا ہوگا۔یاد رہے کہ چیمپئنز ٹرافی کے میچ میں پاکستانی ٹیم بھارت کیخلاف ٹاس جیت کر پہلے فیلڈنگ کررہی ہے۔
