اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سابق قومی کرکٹر مشتاق احمد نے انکشاف کیا ہے کہ یونس خان ایک عظیم شخصیت کے مالک ہیں۔ اس کی میں ایک یہ مثال دوں گا کہ ایک بار نیوزی لینڈ میں ہم کسی کے گھر کھانا کھانے گئے۔ وہاں نماز مغرب کا وقت آ گیا۔ ساری ٹیم نے نماز کیلئے ایک ہی باتھ روم میں وضو کیا۔سب وضو کر چکے تو باتھ روم گیلا ہو گیا ۔

میں نے اپنی آنکھوں سےدیکھا کہ یونس خان ٹشو پیپر اٹھا کر سارا گیلا واش روم صاف کر رہے تھے۔ میں نے اس سے پوچھا کہ ایسا کیوں کر رہے ہو تو یونس خان نے جواب دیا کہ میں ایسا اس لئے کر رہا ہوں کہ جب ہم اس فیملی کو چھوڑ کر جائیں تو یہ پاکستانی ٹیم کے بارے میں اچھے خیالات رکھے اور برے خیالات نہ رکھے۔ یونس خان جیسے یہ وہ لوگ تھے جو کرکٹ کے میدان میں ہی نہیں بلکہ باہر بھی پاکستان کا نام روشن کر تے رہے ہیں۔

موضوعات:مشتاق احمد یونس خان