لاہور(آئی این پی)پاکستان کر کٹ بورڈ(پی سی بی )کی سلیکشن کمیٹی نے قومی ٹیم کے دورے نیوزی لینڈ کیلئے ٹیسٹ سکواڈ کو حتمی شکل دیدی ہے،پی سی بی بائیو مکینک لیب سے ٹیسٹ کلیئر نہ کرنے کے بعد اوپنر محمد حفیظ کے ٹیم میں شامل ہونے کے امکانات ختم ہو گئے ہیں،سلیکشن کمیٹی نت ٹیم انتظامیہ کی درخواست پر ویسٹ انڈیز کیخلاف ٹیسٹ سکواڈ میں مزید اوپنر شرجیل خان اور وکٹ کیپر بلے باز محمد رضوان کو شامل کر نے کی منظوری دیدی ہے،پاکستانی کرکٹ ٹیم چار اور پانچ نومبر کی درمیانی شب دبئی سے نیوزی لینڈ روانہ ہوگی۔ منیجر وسیم باری نے نیوزی لینڈ روانگی سے قبل ٹیم کو جوائن کر لیا ہے۔ ذرائع کے مطابق انضمام الحق کی سربراہی میں قومی سلیکشن کمیٹی نے ٹیم انتظامیہ کی مشاورت کے بعد آسٹریلیا اور نیوزی لینڈ کے دوروں کیلئے پاکستانی ٹیم کوحتمی شکل دیدی ہے۔ ذرائع کے مطابق پاکستانی ٹیم انتظامیہ 17 کھلاڑیوں کو لے جانا چاہتی ہے۔ حفیظ جو پراسرار انداز میں ٹیم میں جگہ بنانے میں کامیاب ہوگئے تھے۔وہ فیصلہ کن میٹنگ میں ٹیم کا حصہ نہیں ہیں۔ ذرائع کا کہنا ہے کہ لاہور کی بایو میکنکس لیبارٹری میں محمد حفیظ کے مشکوک بولنگ ایکشن کا ٹیسٹ کرایا گیا جس میں حفیظ ناکام رہے جس کے بعد انہیں ٹیسٹ ٹیم میں واپس نہ لانے کا فیصلہ کیا گیا۔شرجیل خان کو ٹیسٹ اوپنر کی حیثیت سے گروم کرنے کا فیصلہ کیا گیا ہے۔ سمیع اسلم اور اظہر علی کے ساتھ شرجیل کو اسٹینڈ بائی رکھا جائے گا۔ ذرائع کا کہنا ہے کہ ابتدا میں ذوالفقار بابر ٹیسٹ ٹیم سے باہر ہوگئے تھے لیکن اب مصباح الحق نے کہا کہ مجھے تین اسپنرز چاہئیں۔ویسٹ انڈیز کے خلاف سیریز میں شرکت کرنے والے 15 کھلاڑیوں کے علاوہ پاکستان سے شرجیل خان اور محمد رضوان ٹیم کو جوائن کریں گے۔ پاکستانی کرکٹ ٹیم چار اور پانچ نومبر کی درمیانی شب دبئی سے نیوزی لینڈ روانہ ہوگی۔ منیجر وسیم باری نے نیوزی لینڈ روانگی سے قبل ٹیم کو جوائن کر لیا ہے۔