کراچی(نیوز ڈیسک) کرکٹ ورلڈ کپ2015 کے دوران پاکستانی کھلاڑیوں کی جانب سے کی گئی ڈسپلن کی خلاف ورزی کے نتیجے میں عائد کردہ جرمانہ پاکستان کرکٹ بورڈ نے معاف کردیا ہے۔دو ماہ قبل کرکٹ کے عالمی ٹورنامنٹ کے وارم میچز میں سات پاکستانی کھلاڑیوں نے سڈنی میں تاخیر سے ہوٹل پہنچ کر کرفیو کے اوقات کی خلاف ورزی کی تھی جس کے نتیجے میں مینیجر اکرم چیمہ نے شاہد آفریدی ، احمد شہزاد اور وہاب ریاض سمیت سات کھلاڑیوں پر تین تین سوڈالرز کا جرمانہ عائد کیا تھا۔
تاہم آکلینڈمیں جنوبی افریقہ کو شکست دینے کی خوشی میں منیجر نے عائد کردہ جرمانہ معاف کردیا ہے تاہم انیںہ خبر دار کیا کہ آئندہ ڈسپلن توڑنے والے کو معاف نہیں کیا جائےگا۔۔ میڈیا رپورٹس کے مطابق منیجر اکرم چیمہ نے واضح کیا کہ کھلاڑیوں کی جانب سے ڈسپلن کی خلاف ورزی کا کوئی بڑا واقعہ پیش نہیںآیا، کھلاڑیوں کے تاخیر سے ہوٹل پہنچنے کی وجہ سے ان پر جرمانہ لگایا گیا تھا جو جنوبی افریقہ سے فتح کے بعد معاف کردیا گیا تھا۔
انہوں نے کھلاڑیوں کو خبردار کیا کہ ڈسپلن کی خلاف ورزی کرنے والوں کے ساتھ کوئی نرمی نہیں برتی جائے گی۔ میچ کے دوران کھلاڑیوں کا رویہ بھی ڈسپن کا حصہ ہوتا ہے۔انہوں نے مزید کہا کہ جب تک پی سی بی کو میری ضرورت ہوگی میں اپنی خدمات انجام دیتا رہوں گا۔