مکہ مکرمہ (این این آئی )حرم مکی میں ایک پانچ سالہ بچہ کبوتروں کے لیے دانے اٹھائے پھرتا دیکھا جاتا ہے۔ یہ بچہ زائرین کو وہ دانے پیش کرتا ہے اور وہ انہیں خرید کے کبوتروں کو ڈال دیتے ہیں۔عرب ٹی وی کے مطابق اس ننھے تاجرنے اپنا نام عنادبتایا اور کہا کہ وہ روزانہ 8 گھنٹے حرم مکی میں

موجود لوگوں کو کبوتروں کے دانے فروخت کرتا ہے۔ اس نے بتایا کہ وہ یہ کام اپنے والدین اور خاندان کی مالی ضروریات پوری کرنے کے لیے کررہا ہے اور رزق حلال کا بہترین ذریعہ ہے۔ عناد نے کہا کہ وہ روزانہ اجیاد کی سمت سے حرم مکی میں آتا ہے۔ اس کے پاس کبوتروں کے آگے ڈالنے والے اناج کے دانے ہوتے ہیں۔زائرین بیت اللہ اجرو ثواب کی نیت سے اس سے یہ دانے خرید کرکے کبوتروں کو ڈال دیتے ہیں۔ننھے عناد کو یہ بھی معلوم ہے کہ پرندوں کے آگے دانا دنکا ڈالنا کتنے عظیم اجر اور ثواب کا کام ہے۔ اللہ تعالی کا فرمان ہے کہ وحسِنوا ِن اللہ یحِب المحسِنِین بھلائی کرو، اللہ بھلائی کرنے والوں کو پسند کرتا ہے۔ مسلم شریف کی ایک روایت ہے کہ اللہ کے رسول نے فرمایا کہ ن اللہ تب الحسان عل ل شی اللہ نے ہر چیز پر حسن سلوک فرض کیا ۔عناد نے اپنی بات سمیٹتے ہوئے کہا کہ اللہ نے اسے توفیق دی تو وہ ایک روز ایک بڑا تاجر بنے گا اور اپنے والدین کی زیادہ بہتر طریقے سے خدمت کرے گا۔