کراچی (این این آئی)ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے کہا ہے کہ شائقین کرکٹ کے لیے اچھی خبر ہے کہ نیشنل اسٹیڈیم سے دور کی پارکنگ ختم کر دی گئی ہے اور پارکنگ کا مسئلہ حل کر دیا ہے۔ڈی آئی جی سیکیورٹی اینڈ ایمرجنسی سروسز ڈویژن

کراچی مقصود میمن نے پریس کانفرنس میں بتایا کہ پاکستان سپر لیگ ایڈیشن 8 کے شیڈول میچز کے لیے سیکیورٹی ڈویژن نے سندھ حکومت اور تمام متعلقہ حکام کی مدد سے شائقین کی سہولت کے لیے ایک جامع سیکیورٹی پلان تیار کیا ہے۔انہوں نے بتایا کہ سیکیورٹی انتظامات اور حفاظت کو یقینی بنانے کے لیے تمام تماشائیوں کو داخلی دروازے پر سیکیورٹی عملے کی جانب سے اچھی طرح سے چیک کیا جائے گا۔ڈاکٹر مقصود احمد نے کہا کہ نیشنل اسٹیڈیم میں کسی بھی قسم کی ریفریشمنٹ، کھانے کی چیزیں، مشروبات، شیشے یا پلاسٹک کی بوتلیں، ڈبے اور نشہ آور اشیا ساتھ لے جانے کی ممانعت ہے۔انہوں نے بتایا کہ اسٹیڈیم سے ملحقہ چائنا گراونڈ عام شائقین کی گاڑیوں کی پارکنگ کے لیے کھلا رہے گا جبکہ وی آئی پی ٹی آئی کی نیشنل کوچنگ سینٹر کے اندر گاڑیاں پارک کریں گے۔انہوںنے کہا کہ گاڑی کا سرخ اسٹیکر رکھنے والے آفیشلز اسٹیڈیم کے احاطے میں گاڑیاں پارک کر سکیں گے، گاڑی پارک کرنے کے لیے تماشائیوں کو اپنا اصل شناختی کارڈ اور میچ ٹکٹ ضرور دکھانا ہو گا۔