دبئی (مانیٹرنگ ڈیسک /این این آئی)انٹرنیشنل کرکٹ کونسل (آئی سی سی)کی جانب سے پلیئنگ کنڈیشنز میں تبدیلیاں کردی گئی ہیں جن پر عمل یکم اکتوبر سے لاگو ہوگا۔ان نئی پابندیوں کے تحت آئی سی سی کی جانب سے گیند پر تھوک لگانے کی پابندی مستقل کرنے کا اعلان کیا گیا ہے ، پہلے کووڈ 19 کے باعث گیند پر تھوک لگانے پرعارضی پابندی لگائی گئی تھی۔
دوسری جانب بیٹر کے کیچ آٹ ہونے پر نیا آنے والا کھلاڑی ہی اسٹرائیکر اینڈ پرآئیگا اس بات سے قطع نظر کہ بیٹرز کیچ آئوٹ ہونے سے قبل کراس کرچکے تھے۔ پلیئنگ کنڈیشنز میں کی جانے والی ایک اور پابندی کے تحت آنے والے بیٹرکو ٹیسٹ اور ون ڈے میں 2 منٹ کے اندر اسٹرائیک لینے کے لیے تیار رہنا ہوگا۔مزید بر آں کسی بھی غیر منصفانہ اور دانستہ حرکت کے دوران اب امپائر بولرکی بولنگ کے دوران ڈیڈ بال کے علاوہ 5 رنز بیٹنگ سائیڈ کو پینلٹی کے طور پر دے سکتا ہے۔دوسری جانب نیوزی لینڈ کی کرکٹ ٹیم دو مرحلوں پاکستان کا دورہ کرے گی جہاں وہ پاکستان کے خلاف دو ٹیسٹ ، 8 ون ڈے اور 5 ٹی ٹوئنٹی میچوں کی سیریز کھیلے گی، کیوی ٹیم پہلے دسمبر میں اور پھر اگلے سال اپریل میں پاکستان آئے گی۔میڈیا رپورٹ کے مطابق نیوزی لینڈ کی ٹیم بھی پاکستان کا دورہ کرنے پر رضامند ہوگئی ہے اور وہ ایک بار نہیں بلکہ دو بار پاکستان آئے گی۔پی سی بی ذرائع نے بتایا کہ نیوزی لینڈ کی ٹیم پہلے دسمبر 2022 میں پاکستان آئے گی۔ پہلے وہ دو ٹیسٹ اور تین ون ڈے میچز کی سیریز کھیلے گی ، ایک ٹیسٹ ملتان اور دوسرا کراچی میں ہوگا جبکہ ون ڈے میچز بھی نیشنل اسٹیڈیم کراچی میں کھیلے جائیں گے۔نیوزی لینڈ کی ٹیم دوسرے مرحلے میں اپریل 2023 میں پاکستان کا دورہ کرے گی
اس دوران کیوی ٹیم 5 ون ڈے اور 5 ہی ٹی ٹوئنٹی میچوں کی سیریز کھیلے گی۔ذرائع کے مطابق تاریخوں کا اعلان پی سی بی اور نیوزی لینڈ بورڈ کے درمیان مشاورت کے بعد کیا جائے گا۔
واضح رہے کہ اگلینڈ کی ٹیم نومبر دسمبر میں تین ٹیسٹ کھیلنے کیلئے پاکستان کا دورہ کرے گی انگلینڈ کی ٹیسٹ سیریز کے فوری بعد نیوزی لینڈ کی ٹیم پاکستان کا دورہ کرے گی۔
