بیجنگ (این این آئی)چین کے شمال مغربی علاقے میں ریت کے ایک بڑے طوفان کی حیرت انگیز ویڈیوز سوشل میڈیا پر وائرل ہو رہی ہیں۔

غیر ملکی میڈیا رپورٹس کے مطابق طاقت ور ریت کے طوفان نے شمال مغربی چین میں واقع صوبہ چنگھائی کے کچھ حصوں میں تباہی مچائی۔ویڈیوز میں ریت کا طوفان دکھایا گیا ہے

جو ایک صحرائی منظر کی طرح آسمان تک پھیلا ہوا ہے اور آبادی کی طرف بڑھ رہا ہے۔ریت کا طوفان تقریبا 4 گھنٹے تک جاری رہا،

جس سے سب سے زیادہ متاثرہ مقامات میں سے ایک ہائیکسی منگول تھا۔ خوش قسمتی سے ریت کے اس طوفان کے نتیجے میں کوئی جانی نقصان نہیں ہوا۔

دریں اثنا چین بھی دنیا بھر کے دیگر ممالک کی طرح شدید گرمی سے لڑ رہا ہے۔

جون کے وسط سے شمالی، مشرقی اور وسطی چین کے بڑے حصے زیادہ درجہ حرارت کا سامنا کر رہے ہیں۔

چینی محکمہ موسمیات نے بتایا کہ آنے والے دنوں میں چین کے مختلف حصوں میں گرمی سے راحت کی توقع نہیں ہے۔