لاہور (آن لائن ) پاکستان کے سابق لیگ سپنر مشتاق احمد نے پیش گوئی کی ہے کہ بھارت کے موجودہ کپتان ویرات کوہلی مستقبل قریب میں ٹی ٹوئنٹی کرکٹ سے ریٹائر ہو جائیں گے۔ کوہلی نے آئی سی سی مینز ٹی ٹوئنٹی ورلڈ کپ کے آغاز سے قبل اعلان کیا تھا کہ وہ جاری میگا ایونٹ کے اختتام کے بعد ٹی ٹوئنٹی کی کپتانی چھوڑ دیں گے۔ ایک ٹی وی انٹرویو میں مشتاق احمد نے کہا کہ کوہلی اب فیملی مین ہیں اور وہ ون ڈے اور ٹیسٹ کے لیے اپنی توانائی بچانا چاہتے ہیں۔ انہوں نے کہا کہ کوہلی اب خاندانی آدمی ہیں اور ان کی ایک بیٹی ہے ،وہ اب اپنی خاندانی زندگی پر زیادہ توجہ دینا چاہیں گے، کوہلی اب ون ڈے اور ٹیسٹ کے لیے توانائی بچائیں گے۔ سابق کپتان انضمام الحق نے مشتاق کے تبصروں سے اتفاق کیا اور کہا کہ ہندوستانی تجزیہ کار ایک بڑے مسئلے کو حل نہیں کر رہے ہیں۔

موضوعات:مشتاق احمد