اسلام آباد (این این آئی)موٹروے پولیس کی بروقت کارروائی، تیز گام ایکسپریس حادثے سے بال بال بچ گئی۔تفصیلات کے مطابق جی ٹی روڈمندرہ کے مقام پر ایک مزدا ٹرک نمبری9132 JY-بارش سے روڈسلیپری ہو جانے سے سلپ ہو کر ریلوے ٹریک پراُلٹ گیا
جس کی وجہ سے ریلوے ٹریک مکمل طور پر بلاک ہوگیا۔اطلاع ملتے ہی موٹروے پولیس کے افسران، انسپکٹر راجہ عشرت مختار اور انسپکٹر شکیل احمد موقع پر پہنچ گئے اور فو راًاسٹیشن ماسٹرجنا ب جواد امتیاز کو اطلاع دی گئی اور ٹریک پر آنے والی ٹرینو کو رکوانے کیلئے کہا گیا۔ اس دوران راولپنڈی سے کراچی جانے والی تیز گام ٹرین کے آنے کابھی وقت تھا جس کو محفوظ طریقے سے روک لیا گیا۔مزید ریلوے پولیس کو بھی موقع پر طلب کیا گیا اوروائرلیس سیٹ پر بیس کو اطلاع دی گئی جس کے بعد چیف پٹرول آفیسر بیٹ 5 مندرہ اور آپریشن افسر بھی موقع پر پہنچ گئے۔ مزید باقاعدہ کونز لگا کر کرین کی مدد سے مزدے کو فوری طور پر ٹریک سے ہٹایا گیا ۔اس طرح موٹروے پولیس کے افسران کی بروقت کاروائی سے ایک بڑا حادثہ رونما ہونے سے بچا لیا گیا۔ ڈی آئی جی این فائیو نارتھ جناب محمد وصال فخر سلطان نے افسران کی کارکردگی کو سراہتے ہوئے تعریفی سرٹیفیکٹس اور نقد انعامات سے نوازااور اس امید کا اظہار کیا کہ تمام افسران عوام کی خدمت اسی تندہی کے ساتھ سر انجام دے کر محکمہ کا نام روشن کریں گے۔
