لاہور(آئی این پی) صوبائی وزیر اطلاعات فیاض الحسن چوہان نے کہا ہے کہ پاکستان کے خلاف ڈائیلاگ مارنا سنی دیول، اجے دیوگن کے لیے آسان ہے لیکن عملی طور پر پاکستان کیخلاف کچھ کرنا مشکل ہے، سن لیں پیار سے مانگو گے تو کھیر دیں گے، کشمیر مانگو گے تو چیر دیں گے۔ پیر کو صوبائی وزیر اطلاعات فیاض الحسن چوہان نے الحمرا ہال میں یونیک گروپ آف انسٹیٹیوشنز کے زیراہتمام یوم دفاع و شہدا کی تقریب سے خطاب کرر ہے تھے۔ انہوں نے

بھارتی اداکاروں کو اپنے نشانے بناتے ہوئے کہا کہ پاکستان کے خلاف فلمیں بنانا اور ڈائیلاگ مارنا بہت آسان ہے لیکن جب حقیقت میں زمین پر حقائق کا سامنا کرو گے تو مشکل ہوگی، اجے دیوگن اور سنی دیول سن لیں پیار سے مانگو گے تو کھیر دیں گے، کشمیر مانگو گے تو چیر دیں گے فیاض الحسن چوہان نے کہا کہ پاکستان کے لیے قربانیاں دینے والے ہمارے ہیرو ہیں، سپاہی مقبول حسین پر ڈارمہ آئندہ ماہ جبکہ بہادر بچے اعتزاز حسن پر ڈاکومنٹری بھی بنائی جارہی ہے۔