لاہور ( نیوز ڈیسک) پاکستان تحریک انصاف کلچرل ونگ کے سیکرٹری حمزہ علی عباسی نے بعض ناگزیر وجوہات کی بنا پر اپنے عہدے سے استعفی دے دیا۔ حمزہ علی عباسی کے بارے میں کہا جا رہا ہے کہ انہوں نے ایک فلم سائن کی ہے جس کی وجہ سے اختلافات پیدا ہوئے اور وہ اپنے عہدے سے مستعفی ہو گئے۔ حمزہ علی عباسی نے کہا ایسی کوئی بات نہیں میں نے فلم سائن کی ہے اور یہ میرے دوستوں نے فلم بنائی ہے اور میں نے سوچ سمجھ کر یہ فیصلہ کیا ہے۔ انہوں نے کہا میں اپنے دوستوں کا شکر گزار ہوں جنہوں نے مجھے سپورٹ کیا اور انہوں نے کہا ایسی کوئی بات نہیں کہ یہ فلم اخلاقیات سے گری ہوئی ہے ۔ انہوں نے کہا مجھے بھارت سے دو فلموں کی پیشکش ہوئی تھی لیکن میں نے ان میں کام کرنا مناسب نہ سمجھا کیوں کہ وہ اخلاقی معیار پر پورا نہیں اترتی تھیں۔ انہوں نے کہا اب جو فلم میں نے سائن کی ہے میں نے اس کو بڑی سوچ بچار کے بعد کیا ہے کیوں کہ یہ میرے دوستوں نے بنائی ہے اور یہ وہ دوست ہیں جب میں کچھ بھی نہیں تھا انہوں نے مجھے سپورٹ کیا تھا ۔ انہوں نے کہا میں نے کبھی کوئی ایسا کام نہیں کیا جس پر مجھے شرمندہ ہونا پڑے اور میں پاکستان کے کلچر کے لئے بہت کام کر سکتا ہوں بغیر کسی پارٹی کے بھی اس لئے اب میں پی ٹی آئی کلچر ونگ کے سیکرٹری کے عہدے سے مستعفی ہو رہا ہوں۔ جوانی پھر نہیں آنی جو نئی فلم حمزہ عباسی نے سائن کی ہے اس کی ویڈیو منظر عام پر آئی ہے کہا جا رہا ہے کہ اس ویڈیو کی وجہ سے ان پر تنقید کی گئی تھی اس لئے ا نہوں نے اپنے عہدے سے استعفی دے دیا ہے۔
