اسلام آباد(نیوز ڈیسک) بھارتی ٹیم کی بدترین شکست کے بعد بالی ووڈ اداکارہ انوشکا شرما کو سپورٹ کرنے کیلئے ساتھی اداکار میدان میں کود پڑے۔ سماجی رابطے کی ویب سائٹ پر اداکارہ سشمیتا سین نے لکھا کہ انوشکا کو میچ میں اپنے دوست ویرات کوہلی کو سپورٹ کرتے دیکھ کر اچھا لگا جو انہیں قصوروار کہہ رہے ہیں وہ کرکٹ دیکھنا چھوڑ دیں۔ دیا مرزا نے کہا کہ بھارت کی شکست ناقابل برداشت تھی لیکن انوشکا کو ذمہ دار کہنا ہتک آمیز تھا۔ رشی کپور نے کہا کہ ’جاکو راکھے سائیاں مار سکے نہ کوئی‘۔ پریانکا چوپڑا نے لکھا انوشکا تو صرف ویرات کوہلی کی حمایت کرنے گئیں تھیں، تماشائیوں نے ہار پر جو ان کا حال کیا وہ غلط تھا۔ بپاشا باسو نے کہا کہ اگر قوم پوری ٹیم کو سپورٹ کر سکتی ہے تو ایک کھلاڑی کی دوست کیوں نہیں؟۔ بھارتی ٹینس کوئن ثانیہ مرزا نے کہا کہ ہارے ہیں تو انوشکا کے دھیان بٹایا لیکن جب جب سنچری بنائی تو اس کا کیا؟۔