ممبئی (نیوز ڈیسک)پاکستان کے معروف گلوکاراوراداکارعلی ظفر نے ان دنوں خود کوفٹ رکھنے کیلئے تائی کوانڈو کا فن سیکھنا شروع کردیا ہے۔بالی ووڈ کی فلم ’’کل دل‘‘ میں نظر ا نے والے اداکار کے ایک قریبی ذرائع نے بتایا ہے کہ ’’علی اپنے جسم کی پوری طاقت کو جم میں صرف کرنا پسند نہیں کرتے اور خود کو فٹ رکھنے کیلئے وہ قدرتی طور پر اپنائے جانے والے طریقوں کو اپنانا زیادہ بہتر محسوس کرتے ہیں، اس سلسلے میں علی ظفر نے چین، ملائیشیا اور تھائی لینڈ کے چند ماہرین سے رابطہ کیا ہے تاکہ وہ تائی کوانڈو کے اسباق سیکھ سکیں اور اس کی ٹریننگ لے سکیں‘‘۔اداکارنے یہ ہی نہیں بلکہ ملائیشیا سے بھی ایک ماہر استاد کوبلایا ہے جو انہیں مارشل ارٹ کا فن بھی سکھائے گا۔علی ظفر ان دنوں پاکستان میں ہی ہیں اور ان کا کہنا ہے کہ وہ سکس پیک بنانے کی خاطر جم جاکر اپنے جسم کو تباہ کرنے پر یقین نہیں رکھتے اور قدرتی طریقوں سے اپنا جسم بہتر کرنا پسند ہے۔