ممبئی (نیوز ڈیسک) بالی وڈ اداکارہ کترینہ کیف فلم میں ایک مرتبہ پھر پاکستانی ہونے کا کردار نبھائیں گی۔بھارتی ذرائع ابلاغ کے مطابق کترینہ آنے والی فلم ”فتور“ میں ایک بار پھر پاکستانی بنیں گی۔ فلم میں ان کے مقابل ادیتیہ رائے کپور ہونگے ۔ فلم کی کہانی معروف ادیب چارلس ڈکنز کے ناول ” گریٹ ایکسپکٹیشنز“ سے ماخوذ ہے ۔ فلم میں تین کرداروں کے تعلقات پرکہانی آگے بڑھتی ہے جو کہ ایک کشمیری نوجوان نور (ادیتیہ) ، فردوس (کترینہ) اور بیگم (ریکھا) پر مشتمل ہے ۔ فلم کی شوٹنگ پورے جوش و خروش سے جاری ہے ۔ کشمیر میں شوٹنگ مکمل کرلی گئی ہے اور اب نئی دہلی میں عکسبندی جاری ہے ۔ فلم فتور فروری 2016ءمیں ریلیز کی جائے گی۔ اس میں لارا دتہ اور اجے دیوگن مختصر کرداروں میں نظر آئیں گے۔