ممبئی(نیوز ڈیسک)بالی ووڈ اداکارہ انوشکا شرما کا کہنا ہے کہ کوہلی ان کے پسندیدہ کرکٹر نہیں ہیں اور وہ پوری ٹیم کی حمایت کرتی ہیں۔ ممبئی میں ایک تقریب کے دوران میڈیا سے گفتگو کرتے ہوئے انوشکا شرما نے کہا کہ مجھے کرکٹ زیادہ پسند نہیں، میں ٹینس کو پسند کرتی ہیں۔ بھارتی ٹیم میں مجھے سارے کرکٹر اچھے لگتے ہیں، کوہلی بطور کرکٹر زیادہ پسند نہیں۔ انوشکا نے تقریب کے دوران بار بار کوہلی کے ذکر پر غصے میں آ کر یہ بھی کہہ دیا کہ وہ ہر بات کا جواب دینا ضروری نہیں سمجھتی ہیں اور چاہتی ہیں کہ ان کی ذاتی زندگی کے حوالے سے سوالات نہ کئے جائیں۔ واضح رہے کہ انوشکا شرما اور ویرات کوہلی کی دوستی کے قصے تو اب پرانی بات ہیں، نئی خبر یہ ہے کہ جلد ہی دونوں شادی بھی کر لیں گے اور ورلڈ کپ کے بعد اس حوالے سے کوئی خوش خبری سامنے آنے کا امکان ہے۔ تقریب میں جب اس حوالے سے سوال کیا گیا تو انوشکا طیش میں آ گئیں اور انہوں نے سوال پوچھنے والے صحافی کی ہی کلاس لے ڈالی۔ انہوں نے کہا کہ میڈیا کو فنکاروں کی ذاتی زندگی کی بجائے ان کی کارکردگی اور فلموں میں ان کی اداکاری پر توجہ دینا چاہئے۔