ممبئی (نیوذ ڈیسک )ٹی وی ریلٹی شو ’بگ باس‘8 سے سرخیوں میں آئے ادکار اپین پٹیل اور ادکارہ کرشمہ تننا جلد ہی پھر ساتھ ساتھ نظر آئیں گے ۔ دونوں جلد ہی ’نچ بلئے کے سیزن7 میں اپنے ڈانس کا ہنر دکھائیں گے۔ دونوں بگ باس میں ایک دوسرے کو ڈیٹ کرتے نظر آئے تھے۔ ان دونوں کی وجہ سے شو کی ٹی آرپی میں کافی اضافہ دیکھا گیا تھا۔خیال رہے کہ ’’نچ بلئے‘‘ جلد ہی شروع ہونے والا ہے۔ وہیں خبریں آرہی تھی کہ اس سال اس شو کی جج اداکارہ پرینکا چوپڑہ بھی ہو سکتی ہے۔ ناظرین کے لئے یہ ایک بڑی خوش خبری یہ ہو گی کہ ایک بار پھر وہ دونوں شرکاء کو ایک ساتھ دیکھ سکیں گے۔ خیال رہے کہ فرح خان بھی ’بگ باس‘ میں دونوں کو ’اپما‘ کہ کر بلاتی تھیں۔اپین پٹیل 36 چائنا ٹاؤن ، نمستے لندن اور عجب پریم کی غضب کہانی جیسی فلموں میں سپورٹر ورل ادا کر چکے ہیں اپین آخری بار تامل فلم ’آئی‘میں نظر آئے تھے ۔ فلم باکس آفس پر سپر ہٹ رہی تھی۔ اب وہ چھوٹے پردے پر ڈانس کرتے دکھائی دیں گے۔ وہیں کرشمہ اس سے پہلے ٹی وی سیریل’کیونکہ ساس بھی کبھی بہو تھی‘ ’کامیڈی سرکس مہاسنگرام ‘ ’بال دیر‘ میں کام کر چکی ہیں۔کرشمہ بالی ووڈ فلم ’گرینڈ مستی ‘ میں اہم کردار میں تھی۔ جلد ہی وہ سنی لیون کی آنے والی فلم ’ٹینااور لولو‘ میں نظر آئیں گی۔ دونوں کی جوڑی پھر ایک بار چھوٹے پردے پر دھمال مچانے کو تیار ہیں۔ حال ہی میں دونوں ستاروں نے ایک ساتھ اپنی تصاویر سماجی رابطوں کی ویب سائٹ پر شائع کی تھی۔ خیال رہے کہ ’بگ باس‘ کے گھر میں ہی اپین نے کرشمہ کو پر پوز کیا تھا