ممبئی ( نیوز ڈیسک) ادکارہ کترینہ کیف اور ادکار رنبیر کپور کے درمیان قربت کی خبریں کافی عرصے سے گرم ہیں اور دونو ں کی منگنی یاشادی کے چرچے بھی ہوتے ہیں رہتے ہیں ۔ رنبیر کپور اس سے قبل ان خبروں کی تردید کر چکے ہیں تاہم اب ان افواہوں کا ایک نیا دور شروع ہو گیا ہے ذرائع کا کہنا ہے کہ کترینہ کیف ان دنوں زور زور شور سے شادی کی تیاریوں میں مصروف ہیں اور انہوں نے اپنی سائن کردہ تین فلموں میں کام کرنے سے معذرت کر لی ہے اور ان فلموں کا معاوضہ واپس کرنے پر آمادہ ہو گئی ہیں۔ باربی ڈول کہلائی جانے والی کترینہ کیف ان دنوں فتور کی شوٹنگ میں مصروف ہیں ۔ انہیں باتوں کی وجہ سے ہندوستانی میڈیا میں ’’دال میں کچھ کالا ہے‘‘ کی افوائیں گردش کر رہی ہیں۔ ذرائع کے مطابق کترینہ کیف اپنی فلمی مصروفیات سے چھٹکارا حاصل کر کے رنبیر کپور کے ساتھ شادی کی بھر پور تیاریاں کرنا چاہتی ہیں۔ یہی وجہ ہے کہ انہوں نے فلمسازوں سے معذرت کر لی ہے ۔