اسلام آباد (این این آئی)سابق صدر آصف علی زرداری کا بلڈ پریشر لیول کم نہ ہوسکا ،بلڈ پریشر میں اتار چڑھاؤ برقرار ہے ۔ ذرائع کے مطابق آصف علی زرداری کی شوگر بھی نارمل نہ ہوسکی ،آصف علی زرداری نے گزشتہ روز دل کی تکلیف کی شکایت بھی کی تھی ،آصف علی زرداری کی پچھلے تین دن سے خصوصی فزیوتھراپی بھی جاری ہے ،فزیوتھراپی کی اسپیشلسٹ ڈاکٹر نے سابق صدر کا روزانہ کی بنیاد پر معائنہ کیا ۔

آصف علی زرداری کی گردن کے درد اور کمر کی بڑھتی تکلیف کے پیش نظر فزیوتھراپی شروع کی گئی ۔ ذرائع نے بتایاکہ پچھلے تین ہفتوں سے پمز ہسپتال میں زیر علاج آصف علی زرداری کے دل کا اہم ٹیسٹ اب بھی نہ ہوسکا ۔ ذرائع کے مطابق دل کے کلاٹ کو کھولنے کے لیئے تھیلیئم اسکین کا ٹیسٹ لازمی ہے ،دل کے دورے کا خطرہ برقرار ہے ،آصف علی زرداری کو دل،کمر کی تکلیف کے باعث تین ھفتے قبل پمز لایا گیا تھا۔

موضوعات:آصف زرداری