اسلام آباد(مانیٹرنگ ڈیسک)جے یو آئی (ف)کا آزادی مارچ اسلام آباد میں پشاور موڑ کے مقام پر جاری ہے ، اسی سلسلے میں سینئر اینکر پرسن حامد میر بھی اس مقام پر گئے اور کوریج کی ، انہوں نے کہا ۔۔۔یہ جو 2019کا دھرنا ہے ،اس دھرنے میں اور 2014کے دھرنے میں بڑا فرق ہے ، وہ 2014کا دھرنا تھااس میں جب آپ جاتے تھے آپ کو انواع اقسام کی خوشبوئیں آتی تھیں۔

پرفیوم،سینٹ،اس دھرنے میں آپ آتے ہیں آپ کو عطر کی خوشبو آتی ہے ، یہ پرفیوم اور عطر کا فرق ہے ، وہ جو دھرنا تھا عمران خان کا اس میں امیر لوگ تھے ،لپ سٹک بہت زیادہ نظر آتی تھی ،اس دھرنے میں آپ کو مختلف لوگ نظر آرہے ہیں،اسی لمحے ہی ایک باریش نوجوان نےحامد میر کو گلے لگا لیا اور ان کے ماتھے کو چوما، موقع پر موجودافراد اور خود حامد میر بھی اس پر کھل کھلا کر ہنسے۔