جمعہ‬‮ ، 29 اگست‬‮ 2025 

چین اور پاکستان نے سی پیک کے اگلے مرحلے پر عمل کیلئے طویل،درمیانی اور مختصر مدتی منصوبہ تیار کرلیا،دستخط بھی ہوگئے،چینی سفارتی ذرائع کے چونکادینے والے انکشافات

datetime 31  دسمبر‬‮  2018
ہمارا واٹس ایپ چینل جوائن کریں

اسلام آباد(نیوزڈیسک) چین اور پاکستان نے مشترکہ طور پر2030تک ایک طویل المعیاد تعاون میکنزم تشکیل دیدیا ہے۔جس کا مقصد اقتصادی راہداری نیٹ ورک کے تحت سماجی و اقتصادی شراکت داری کو آگے بڑھانا ہے۔اس سلسلے میں دونوں ممالک اپنی مرکزی اور صوبائی حکومتوں کی رائے لینے کے بعد پہلے ہی رسمی دستاویزات پر دستخط کر چکے ہیں۔ چینی سفارتی ذرائع کے مطابق اس منصوبے کے ذریعے سی پیک کے اگلے مرحلے پر عمل درآمد کیلئے میکرو رہنمائی فراہم کرنے کا پروگرام ہے۔

تاکہ مستقبل میں عمل درآمد کے دوران دونوں پارٹیوں میں حالات کے مطابق گنجائش اور اتفاق رائے پیدا کیا جا سکے۔طویل المعیاد منصوبے کے تحت سی پیک کے اگلے مرحلے کیلئے ڈیزائن اور منصوبہ تیار کیا گیا ہے۔جس کے مطابق رابطے،توانائی،تجارت،صنعتی پارک،زراعت،غربت میں کمی،سیاحت،عوام کے طرز زندگی اور مالیات کے شعبوں میں کام کیا جائیگا۔یہ منصوبہ2030تک مؤثر رہیگا جبکہ قلیل المعیاد منصوبے2020 تک اور درمیانی معیاد کے منصوبے2025تک جاری رہیں گے۔سفارتی ذرائع کے مطابق گذشتہ5سال کے دوران سی پیک کے تحت11منصوبے مکمل کئے گئے ہیں جبکہ11زیر تعمیر ہیں۔ان22منصوبوں پر کل سرمایہ کاری تقریباً18.9ارب امریکی ڈالر ہے جبکہ مزید20منصوبے پائپ لائن میں ہیں۔بی آر آئی کا بڑا منصوبہ ہونے کے حوالے سے سی پیک ایک اہم جامع منصوبہ ہے۔جو چین اور پاکستان کیلئے عظیم سیاسی،اقتصادی اور سماجی اہمیت کا حامل ہے۔سی پیک کے دوسرے مرحلے میں پاکستان کی وفاقی اور ہر صوبائی حکومتوں نے صنعتی ترقی اور خصوصی اقتصادی زون کی تعمیر کو اہمیت دی ہے۔دونوں طرف سے ان منصوبوں پر مشترکہ کوشش کیساتھ پیش رفت جاری ہے۔دونوں ممالک رکشئی اقتصادی زون پر عمل درآمد کیلئے تفصیلات پر مذاکرات کر رہے ہیں۔جس کا افتتاح2019کی پہلی سہ ماہی میں ہو گا۔جے سی سی کے8ویں اجلاس بیجنگ کے دوران دونوں ممالک میں صنعتی تعاون بارے مفاہمت کی دستاویز پر دستخط کئے گئے جو کہ اس سلسلے میں تعاون کو مزید آسان بنا دیگی۔

موضوعات:

آج کی سب سے زیادہ پڑھی جانے والی خبریں


کالم



سنت یہ بھی ہے


ربیع الاول کا مہینہ شروع ہو چکا ہے‘ اس مہینے…

سپنچ پارکس

کوپن ہیگن میں بارش شروع ہوئی اور پھر اس نے رکنے…

ریکوڈک

’’تمہارا حلق سونے کی کان ہے لیکن تم سڑک پر بھیک…

خوشی کا پہلا میوزیم

ڈاکٹر گونتھروان ہیگنز (Gunther Von Hagens) نیدر لینڈ سے…

اور پھر سب کھڑے ہو گئے

خاتون ایوارڈ لے کر پلٹی تو ہال میں موجود دو خواتین…

وین لو۔۔ژی تھرون

وین لو نیدر لینڈ کا چھوٹا سا خاموش قصبہ ہے‘ جرمنی…

شیلا کے ساتھ دو گھنٹے

شیلا سوئٹزر لینڈ میں جرمنی کے بارڈرپر میس پراچ(Maisprach)میں…

بابا جی سرکار کا بیٹا

حافظ صاحب کے ساتھ میرا تعارف چھ سال کی عمر میں…

سوئس سسٹم

سوئٹزر لینڈ کا نظام تعلیم باقی دنیا سے مختلف…

انٹرلاکن میں ایک دن

ہم مورج سے ایک دن کے لیے انٹرلاکن چلے گئے‘ انٹرلاکن…

مورج میں چھ دن

ہمیں تیسرے دن معلوم ہوا جس شہر کو ہم مورجس (Morges)…