کراچی (این این آئی) پیپلزپارٹی کے رکن سندھ اسمبلی تیمور تالپور نے جوش خطابت میں سینیٹ الیکشن میں پیپلزپارٹی کی طرف سے ووٹ خریدنے کا اعتراف کرلیا۔ انہوں نے جمعرات کو بجٹ بحث میں حصہ لیتے ہوئے کہا کہ سینیٹ الیکشن میں جس ممبر نے پیپلزپارٹی کو ووٹ بیچا وہ آج بھی ایوان میں بیٹھا ہے۔ تیمور تالپور کے اس جملے پر اپوزیشن ارکان نے شدید احتجاج کیا تاہم وہ مسلسل بولتے رہے۔ انہوں نے نصرت سحر عباسی
سے متعلق کہا کہ انکے شوہر کو پیپلزپارٹی نے سرکاری ملازمت دی۔ جی ڈی اے اور پی ٹی آئی کے ارکان اپوزیشن لیڈر فردوس شمیم نقوی کی قیادت میں ایوان سے احتجاجاً واک آؤٹ کرگئے۔ تیمور تالپور نے مزید کہا کہ چمچہ گیری بند کریں، آپکو دوبارہ مخصوص نشست پر ٹکٹ مل جائیگا۔ ڈپٹی اسپیکر ریحانہ لغاری نے تیمور تالپور سے مخاطب ہوتے ہوئے کہا کہ آپ ذاتی حملے نہ کریں اپنی تقریر کو بجٹ تک محدود رکھیں۔
