اسلام آباد(مانیٹرنگ ڈیسک) مسلم لیگ (ن) کے رہنما اور سابق وزیر خزانہ اسحاق ڈار پر نیب میں کیس چل رہے ہیں وہ بیماری کا بتا کر ملک سے باہر موجود ہیں، ایک نجی ٹی وی چینل کی رپورٹ کے مطابق سینیٹر اسحاق ڈار کے خلاف الیکشن کمیشن آف پاکستان نے ایکشن لیتے ہوئے ان کے مسلسل غیر حاضر رہنے کی وجہ سے ان کی سینٹ کی رکنیت معطل
کر دی ہے، الیکشن کمیشن نے ن لیگ کے رہنما اسحاق ڈار کی کامیابی کا نوٹیفیکیشن بھی معطل کر دیا ہے، واضح رہے کہ ملک سے غیر حاضری کے باوجود اسحاق ڈار مارچ میں ہونے والے سینیٹ انتخابات میں کامیاب ہوگئے تھے لیکن وہ حلف لینے کے لیے پاکستان نہیں آئے۔ اب الیکشن کمیشن نے اسحاق ڈار کی سینیٹ کی رکنیت معطل کردی ہے۔
