اسلام آباد(مانیٹرنگ ڈیسک)ملتان سے ن لیگ کے ایم این اے کے امیدوار نے جعلسازی کا ریکارڈ قائم کر دیا، تعلیم میں ترقی کے بجائے تنزلی۔ تفصیلات کے مطابق نجی ٹی وی سما کی رپورٹ کے مطابق ملتان سے ن لیگ کے این اے 155سے امیدوار شیخ طارق رشید نے جعلسازی کا ریکارڈ قائم کر دیا ۔
شیخ طارق رشید نےعام انتخابات2018کیلئے جمع کرائے گئے اپنے کاغذات نامزدگی کے ساتھ بیان حلفی میں اپنی تعلیمی قابلیت انڈر میٹرک یعنی میٹرک فیل بتائی ہے جبکہ اس سے قبل عام انتخابات 2013میں شیخ طارق رشید نے اپنے کاغذات نامزدگی میں تعلیمی قابلیت بی ۔ اے درج کی تھی ۔
